Kominfo Kota Bogor Keur Nerapkeun Dasbor Eksotik

 Pikeun ngariksa jeung ngawaskeun realisasi kagiatan,  kamajuan smart city  jeung persiapan nyieun Peraturan Daerah (Perda), Walikota Bogor Bima Arya ngadeugdeug Kantor  Komunikasi dan Informatika (Kominfo) Kota Bogor, Salasa (30/6). Bima ditarima ku  Kepala Kantor Kominfo Kota Bogor Asep Zaenal Rahmat anu dibarengan ku sakumna Kabid  jeung  Kasubid. Dina kasempetan èta Bima nètèlakeun yèn data anu ditarima dina kagiatan munggaran sarta kanyataan anggaran kakara ngahontal 12%. Kudu ditalungtik naon panyababna, naha kagiatan ieu gagal, lelangna teu jalan atawa naon panyababna.

Bima ogè meredih ka Kominfo sangkan ngamaksimalkeun koneksivitas cctv anu geus kapasang  di sababaraha lokasi, hususna di sabudeureun Stasiun Bogor, ngarah bisa diawaskeun di rohangan Bogor Green Room (BGR). Sawatara èta, Kepala Kominfo Kota Bogor, Asep Zaenal ngajelaskeun yèn nepi ka wangkid ayeuna Kominfo Kota Bogor keur ngagarap Eksotik nyaèta dashboard pamarèntah anu eusina indikator ekonomi, sosial sarta politik ku jalan nyadiakeun data informasi kalayan tepat waktu jeung bener.

“Ngaliwatan media visualisasi data ieu pingpinan daèrag bisa netepkeun kawijakan diantarana patali jeung harga bahan pokok di pasaran,” ceuk Asep. Sawatara èta,  ngeunaan panetepan hasil lelang taun ayeuna geus bisa dilaksanakeun. Pasualan lainna anu disawalakeun nyaèta rancangan Peraturan Daerah (Perda) ngeunaan   Jaringan Telekomunikasi. Perda ieu èngkèna bisa ngarapihkeun jaringan di wewengkon Kota Bogor. (Cikal – magang/Dadang HP)