Poean Lebaran Kota Bogor Kudu Tetep Bersih

Walikota Bogor, Bima Arya ngariksa  hasil pagawèan sababaraha SKPD anu aya di Pemkot Bogor. Salah sahijina Dines Kebersihan jeung Pertamanan (DKP) Kota Bogor, dina Rebu (24/6). Dina kasempetan èta Bima langsung mingpin rapat dibarengan kue Kepala DKP, Irwan Riyanto. Inyana negeskeun yèn ngaliwatan rapat èta dirina hayang mastikeun kasiapan widang kabersihan jeung pertamanan, Polisi Pamong Praja sarta Dinas UKM dina nyanghareupan lebaran anu bakal datang.

“Dina malem takbiran saentas shalat Isya, sakabèh SKPD, hususna DKP salaku panangggungjawab kabersihan kudu siap ngabersihkeun kota salila sawelas poè kahareup,”tegesna. Salian ti nyanghareupan kasiapan lebaran, Bima ogè nètèlakeun  yèn pikeun meunangkeun Adipura, salah sahijina kudu ngokolakeun TPA Galuga ku sanitary ranfill, teu ngagunakeun deui teknik open dumping. Inyana meredih sangkan DKP, ngaanggarkeun pangunaan teknologi kasebut, sangkan TPA Galuga bisa dioptimalkeun.

“Kusabab TPS Nambo  can bisa dipastikeun jeung teu bisa didagoan,”sanggemna. Bima ogè ngajelaskeun rencana pikeun ngamekarkeun jeung ngawangun taman-taman anyar di Kota Bogor, kayaning taman ekspresi, Taman Kencana, Taman Heulang sarta  taman-taman tematik di sababaraha wewengkon di Kota Bogor. (Lani/ Moh.Ridwan/Dadang HP)