Kec. Bogor Barat Ngalumangsungkeun Gertak PSN

Pikeun nyegah sumebarna panyakit Demam Berdarah anu disababkeun ku reungit Aedes Aegypti,  pihak Kacamatan Bogor Barat ngalumangsungkeun kagiatan Gerakan Pemberantasan Sarang Nyamuk (Gertak PSN) anu dipuseurkeun di Gangg. Kelor RW X Kalurahan Menteng, Jumat (5/6). Numutkeun Seklur Menteng Nina Rusmalina mangsa marengan kader Jumantik, dina kagiatan Gertak PSN ieu aya wawakil ti Kementerian Kesehatan anu dibarengan ku  Kepala Dinas Kesehatan Kota dr. Rubaeah sarta Camat Bogor Barat Irwan Gumelar  jeung  Lurah Menteng Heru Sudewo. 

“Gertak PSN dilaksanakeun ku jalan ngadatangan imah para warga pikeun mariksa bak mandi, tempat-tempat panampungan cai bari ngabèwarakeun pentingna ngaberantas sayang reungit,”tegesna. Gertak PSN ogè dilaksanakeun di 19 W lianna di Kalurahan Menteng, pangna dipuseurkeun di RW IX, kusabab  kungsi aya kajadian DBD di RW ieu. Pikeun ngalancarkeun Gertak PSN, samèmèh dilaksanakeun kagiatan, Lurah Menteng geus nyieun surat èdaran ka RT jeung RW sangkan umajak ka wargana pikeun ngalaksanakeun kerja bakti ngabersihan sayang reungit, kitu ogè pihak Puskesmas teu eureun eureun ngalaksanakeun panyuluhan ngeunaan bahayana panyakit DBD (Tria/Dadang HP)