Green Room Perlu Rojongan

Sarèngsèna  muka kalayan resmi  Workshop Seri ke-3 Smart City di  rohangan Rapat III Balaikota, Salasa (16/6), Walikota Bogor, Bima Arya ngawanohkeun Bogor Green Room ka Menteri Komunikasi  jeung Informatika, Rudiantara. Bima nètèlakeun Pamarèntah Kota Bogor,  mibanda cita-cita ngajadikeun Bogor jadi green city  sarta  green transportation. Pakakas anu aya di Bogor Green Room ieu anu bakal mawa Kota Bogor ka tempat anu dituju, ceuk Bima.

“Sanajan tacan maksimal sakumaha harepan, tapi kacida miharepna lamun Menkominfona urang Bogor,  command center ieu bakal jadi panghareupna di Indonesia,”tegesna. Inyana ogè negeskeun moal bakal aya hartina lamun pakakas anu diwangun sakumaha luhungna, tapi teu dibarengan ku nyambungna kawijakan jeung parobahan. Kukituna  Pamarèntah Kota Bogor bakal terus nyampurnakeun pakakas anu aya di Green Room. Nepi ka wangkid kiwari, BGR, bakal terus dimekarkeun ku disaster management anu bakal ngagambarkeun kaayaan cai di Bendungan Katulampa, ngenalkeun tatangkalan sarta  smart energy pikeun ngariksakeun PJU anu pareum, Smart Tourism, Smart School tur Smart Health.

“Green Room memang diharepkeun bisa mantuan Pemkot Bogor dina ngungkulan pasualan-pasualan anu geus kawilang parna di Bogor diantarana kamacètan diantarana ku jalan masang sababaraha parabot kayaning Vehicle tracking via GPS, layanan pamariksaan lalu-lintas ku  CCTV, pengintegrasian sistem ka sakabèh dines jeung pangaduan masarakat sarta pangwangunan sistem sosial media twiter anu wajib dipibanda ka sakabèh SKPD,”tegesna. (Tria/Lani/Dadang HP)