Poè munggaran palaksanaan Ujian Nasional (UN)
tingkat SMA/MA/SMK, Senin (13/4) diparios langsung Wakil Walikota Bogor, Usmar
Hariman. Dumasar hasil panitènan di
lapangan, palaksanaan UN di Kota Bogor, sabagèan geus ngagunakeun sistim on
line, tur lumangsung lancar.
“ Pikeun taun ayeuna, kakara tilu SMK Kota Bogor anu geus ngalaksanakeun Ujian ngagunakeun computer,
Alhamdulillah lancar,”saurna basa ngawangkong di Radio Sipatahunan. Tilu sakola
anu dimaksud nyaèta SMK Negeri 3 Kota
Bogor, SMK Wikrama sarta SMK Infokom. Sabenerna, ceuk Usmar, aya
sababaraha sakola sèjèn nu siap ngalaksanakeun UN online. Tapi jumlahna masih
diwatesan ku pamarèntah puseur sarta sacara nasional UN On line ukur dipiluan
ku 588 SMA/SMK sederajat kalayan
pamilonna aya 22.000 urang. Taun hareup Kota Bogor kudu leuwih ngaronjat.
Prinsipna, numutkeun inyana, ti luhur aya kawijakan nu di handap aya kasiapan.
Nu kakara siap dina taun ieu kakara 3
SMK. Sedengkeun patali jeung kaamanan, soal UN, boh ujian tulis atawa komputer
dijamin moal bakal bocor aman. Rohangan
panyimpenan dilengkepan ku CCTV sarta
dijaga salila 24 jam. Kitu ogè panyaluranna dilaksanakeun disaluyukeun jeung
jadwal Ujian Nasional. Salian ti èta, dipastikeun soal nu hiji jeung nu lianna
bèda.
“Pikeun pamariksaan UN ngagunakeun komputer
datana dikirim ka pusat data, sedengkeun pikeun anu manual langsung dibawa ka dibawa
ke IPB,”tegesna. Pikeun kalancaran palaksanaan UN ieu, DLLAJ Kota Bogor
nurunkeun 80 anggota, hususna dina kalancaran lalulintas, ceuk Kadis DLLAJ Kota
Bogor, Achsin. Sababaraha tempat anu sering macèt diantarana Jalan Djuanda, Jembatan
Merah jeung nu lianna. (Humas/Dadang HP)
 |
| Wakil Walikota Bogor, Ir. H. Usmar Hariman |
Tidak ada komentar:
Posting Komentar