Nyaah ka Bogor, Nya Kudu Ngabogor

Kepala Dines Pendidikan Kota Bogor, Edgar Suratman negeskeun yèn kusabab wawacan kabangsaan jeung kaagamaan leungit tina kalumangsungabn pendiidikan nyababkeun munculna pasualan-pasualan goreng di barudak sakola Kota Bogor. Hal èta ditegeskeun Edgar  di hareupeun para pamilon Sarèsèhan  Ngabogor, Rabu (22/4) di Gedong Haromoni Yasmin, Kacamatan Bogor Barat.  Salian ti èta, sanggemna, barudak sakola atawa rumaja teu wanoheun kana sajarah jeung budayana sorangan, maranèhna leuwih nyaho kana budaya deungeun, kayaning Korea, Jepang sarta nu sèjènna.

“Sigana barudak ayeuna mah moal pati apaleun kana kadaharan khas Bogor anu ngaranna oli jeprèt jeung ancèmon,”sanggem Edgar deui. Salah  sahiji cara pikeun ngawanohkeunna ku cara ngagali kabeungharan budaya Bogor, sarta ngawanohkeun ka barudak sakola atawa rumaja di Kota Bogor. Istilahna lamun enya Bogoh ka Bogor nya kudu Ngabogor, carana ku miara laku lampah anu hade, miara wewengkon jeung hade ka tatangga jeung sasama pokna daria. Inyana ogè nètèlakeun yèn Gerakan Ngabogor lain ngan saukur dimekarkeun di dunia atikan atawa pendidikan, tapi ogè bakl dimekarkeun di kelompok masarakat. Kusabab kitu, inyana ngajak seniman jeung budayawan, guru jeung nu lianna pikeun ngarojong program ieu. sawatar èta Wakil Walikota Bogor anu muka Sarèsèhan Bogor ngajelaskeun yèn ngahadèan nudaya masarakat sangkan leuwih hadè  kaasup teu gampang kawas ngawangun jamabatan atawa jalan.

“Ngawangun karakter jeung kultur mah kudu dimimitian ti subuh kènèh ti budak leutik sarta  dilaksanakeun tuluy tumuluy bari jeung teu bosen-bosen,” pokna daria. Sarèsehan anu lumangsung sapoè ieu ngahadirkeun panyatur diantarana  Guru Besar Universitas Pendidikan Indonesia (UPI) Bandung, Profesor Yus Rusyana. Nu ngaluuhan acara ieu aya Bunda PAUD Kota Bogor, Yane Bima Arya, Kepala Dinas Pariwisata dan Ekonomi Kreatif, Sahlan Rasyidi, Kabag Humas Setda Kota Bogor, Encep Alhamidi dan mantan Bupati Bogor, Soedrajat Nataatmadja sarta seniman jeung budayawan Bogor lianna. (Humas/Dadang HP)