Kohkol pikeun Ngungkulan Begal

Pikeun  ngungkulan 

lobana begal jeung kajahatan lianna, Kalurahan Situgede Kecamatan Bogor Barat Kota Bogor ngahirupkeun deui Siskamling (Sistim Keamanan Lingkungan) anu salila ieu mimiti ditinggalkeun ku wargana.  Di Kalurahan Situgede, ngawajibkeun deui sakabèh wargana pikeun ronda peuting. Kagiatan ieu dimimitian ku pamasrahan kohkol ku Lurah Situ Gede Andi SIP, Ketua LPM Eman Sulaeman  jeung Babinkamtibmas Kelurahan Situ Gede Agus S kalayan simbolis  ka para Ketua RW sa-Kalurahan Situgde, Sabtu (11/4/2015).

“Kagiatan ronda peuting ngahaja dihangkeutkeun deui pikeun ngantisipasi ayana begal jeung kajahatan sèjènna. Pangbagian ieu minangka simbol dimimitianna siskamling,”ceuk Lurah Situ Gede Andi SIP. Saluyu jeung pituduh ti Walikota Bogor, sanggem Andi, siskamling kacida perluna dihirupkeun deui kusabab dina wangkid kiwari loba kacaritakeun bègal jeung kajahatan sèjènn.

“Ieu mangrupa wujud warga nyaaheun ka wewengkonna,” saur Andi. Numutkeun inyana, patugas anu keur jaraga di pos kamling, bisa ogè dipènta tulung mangsa aya kajadian darurat, diantarana  bisi aya nu rèk ngalahirkeun atawa aya nu gering perlu dianteur ka rumah sakit. Sawatara èta, Ketua LPM Kelurahan Situ Gede Eman Sulaeman kacida ngahargaanna kana ideu Kelurahan Situ Gede anu ngahirupkeun deui ronda peuting.

“Selian ngajaga lingkungan, ronda peuting ogè bisa jadi wadah silaturahim antara warga,”pokna daria. (Dadang HP)