Usmar : Taya Beas Sintetis Sumebar di Kota Bogor

Wakil Walikota  Bogor, Usmar Hariman ngingetan sangkan masarakat waspada ku sabab ceuyahna bèja ngeunaan bèas sintetis anu bahanna tina plastik. Tapi ceuk Usmar nepi ka wangkid ayeuna tacan aya laporan anu asup, lamun bèas anu dimaksud geus sumebar di Kota Bogor.

“Can aya laporan ti warga  anu asup ka Pemkot Bogor lamun bèas sintetik geus sumebar di Kota Bogor. Tapi sanajan kitu Pemkot Bogor angger waspada, ceuk paribasana mah sadia payung samèmèh hujan,”tegesna. Pikeun nyegah sumebarna bèas samodèl kitu, Usmar umaku geus marèntahkeun sababaraha dines anu aya patali jeung urusan ieu diantarana Dinas Perindustrian  jeung  Perdagangan, PD. Pasar, BULOG, Kantor Ketahanan Pangan  sarta pihak  Kepolisian sangkan ngalumangsungkeun sidak ka pasar-pasar sarta distributor bèas boh anu galede atawa leutik.

 “Warga Kota Bogor sangkan tetep tenang sabab Pamerintah Kota Bogor moal cicingeun,”pokna daria. Usmar miharep  Dinas Pertanian ngaoptimalkan sakabèh potensi  jeung lahan anu aya di Kota Bogor  pikeun  ngadorong  swasembada bèas pikeun minuhan kabutuhan bèas  satempatlokal.(rahmat/dadang hp)