Kaburitnakeun, kaayaan di sabudeureun Tugu Kujang Kalurahan Baranangsiang Kacamatan Bogor Timur beuki ramè, acara Ngumbah Kujang anu dilaksanakeun ku Damas, Federasi Panjat Tebing Indonesia (FPTI), Forum Pecinta Alam Siswa SMA(Forpallas), Lembaga Sentradaksa, sarta komunitas lianna dipapaèsan ku kendang penca jeung nu ngibingna. Komo deui mangsa Walikota Bogor, Bima Arya nedunan jangjina pikeun naèk Tugu Kujang dilaksanakeun.
“Capè
pisan, sanajan ukur gugulantungan di
luhur sapuluh menit,” ceuk Bima ka Wartabasasunda, saentas aya di handap, Ahad
(25/5). Saentas reureuh Bima ogè “tarung” jeung Ki Wahyu Kujang di palataran
Tugu Kujang bari dipirig ku kendang penca. Salian ti Bima, Wakil Walikota
Bogor, Usmar Hariman, nyaksian ogè kagiatan anu keur dilaksanakeun dina raraga
mièling Bogor anu ka 533 ieu, bari teu poho ngeusian ember wadah duit. Sawatara èta, Sekda Kota Bogor, Ade Sarip
Hidayat, anu di taun kamari kungsi nyaksian acara Ngumbah Kujang, kacida
reueusna mangsa ningali seniman jeung budayawan Bogor, ngarariung bari
mintonkeun kabisana.
“Puguh
reugreug lah, ningali para seniman jeung budayawan Bogor silih rojong dina
raraga nyukseskeun milangkala Bogor,”ceuk Ade bari teu poho ngeusian ember
wadah duit. Salian ti seniman, budayawan, mahasiswa, masarakat umum, kagiatan
ieu ogè diluuhan ku pajabat sèjènna, diantarana Ketua Panitia HJB, Toto M. Ulum
jeung Camat Bogor Timur, Sujatmiko. (Dadang HP.
Tidak ada komentar:
Posting Komentar