Hasil UN Murid SMA/SMK Kota Bogor, Nyugemakeun

 Mapag milangkala ka 533 taun dina tanggal 3 Juni 2015 anu bakal datang, aya bèja pikabungaheun pikeun Kota Bogor. Salah sahijina hasil ujian nasional (UN) barudak SMA  jeung SMK kota Bogor anu miluan dina taun ieu, nilèyna aralus pisan. Numutkeun Kepala Dinas Pendidikan Kota Bogor, rata-rata nilèy UN IPA-na pangalusan di Jawa Barat.

“Salah aurang siswa SMAN 1 Bogor nilèy UN IPAna katilu pangalusna sarta siswa SMA Negeri 3, meunang niley ka genep panggedèna sa-Jawa Barat,”sanggem Edgar. Kitu ogè hasil UN SMK Kota Bogor ogè kawilang istimewa, aya dina posisi ka 3,  malah nilèya ujian nasional SMAKBO   pangalusna pikeun sakumna SMK sa-Jawa Barat. Dya urang murid SMAKBO nilèyna ka hiji jeung ka salapan,sedengkeun murid siswa SMK Analis Kimia YKPI aya di tempat kagenep. Hasil ieu pastina ngabungahkeun Walikota Bogor,Bima Arya.

Kadis Pendidikan Kota Bogor, H. Edgar Suratman

 “Alhamdulilah ieu prestasi hebat ti barudak sakola kota Bogor. Mudah-mudahan prestasi ieu bisa nyumangetan barudak sakola sèjènna  sangkan terus  ngamekarkeun kreasi  jeung  prestasina dina sagala widang,” saurna. Pangumuman kalulusan UN ieu dikaluarkeun dina Jum’at (15/5)  ayeuna. (ARW/Dadang HP)