Walikota Bogor, Bima
Arya ngistrènan 74 urang pajabat Eselon IV di lingkungan Pamarèntahan Kota
Bogor, di rohangan 1 Balèkota Bogor Rebo mangkukna. Acara pangistrènan ieu diluuhan ku Ketua DPRD Kota Bogor Untung W. Maryono sarta rèngrèngan Muspika, sarta pingpinan OPD. Ka 74 urang pajabat ieu diantarana golongan IV A jumlahna 50
urang, sarta golongan IV B aya 24 urang.
Dina pangbagèana Bima nètèlakeun yèn pangistrènan ieu disababkeun ku dua perkara, kahiji
kabutuhan pikieun ngeusian jabatan anu lowong, kaduana pikeun nyepetkeun
widang-widang anu raket patalina jeung program anu utama. Pangistrènan anu
kadua kalina ieu, sanggemna, mangrupakeun hasil panimbang Baperjakat sarta kabutuhan OPD.
“Dina kasempetan ieu sim
kuring hayang mèpèlingan ka urang sarèrèa utamana ka diri
pribadi sorangan yèn urang kabèhan geus ngahangkeutkeun zona integritas. Gedè pisan harepan sangkan sakabèhna bisa nemonan
nilèy-nilèy anu aya dijerona dina prak-prakan kahirupan sapopoèna,”saur Bima.
Pasualan sèjènna nyaèta ngawangun kaayaan anu bisa nyiptakeun rasa betah mangsa
keur gawè, kusabab targè anu sakitu luhurna moal bakal kahontal lamun taya kakompakan sarta suasana gawèna harènghèng. Inyana ogè umajak ka sakumna
pingpinan OPD pikeun ninggalkeun rasa umaing dina kadinesan.
(Gus/Dadang HP)
Tidak ada komentar:
Posting Komentar