WartaBasaSunda,
Bogor. Wakil Walikota Bogor, Usmar Hariman miharep pisan kagiatan rapat kerja
(Raker) anu lumangsung di lingkungan Kantor Kementrian Agama Kota Bogor, bisa
loba mangpaatna, sarta jadi titimangsa
strategis tur jadi evaluasi kana nu geus dipigawè ku Kemenag pikeun pangwangunan
masarakat Kota Bogor anu taat kana agama,
silih pikaasih, pinter, macakal jeung bagya lahir batin. Hal èta
ditepikeun Usmar mangsa mèrè pangaharahan ka pamilon rapat anu lumangsung di Aula
MAN 2 Kota Bogor Jl. Pajajaran No. 6 Bogor, Jum’at (20/3).
Inyana ogè
negeskeun kacida bagyana mangsa ngaluuhan kagiatan-kagiatan anu dilaksanakeun
ku Kemenag Kota Bogor, salah sahijina nungkulan akad nikah. Kagiatan-kagiatan
samodèl kitu, sanggemna, bisa nambahan ambahan dina ngokolakeun pamarèntahan
anu geus ampir sataun lilana. Numutkeun Usmar, mangsa keur ngajalankeun pamarèntahan,
loba kènèh pasualan anu tacan rèngsè, kukituna perlu gawè babarengan jeung
leuwih daria sangkan unggal pasualan anu aya bisa diungkulan.
“Dina wangkid
ayeuna loba pisan sumebar bèja-bèja anu teu pararuguh. Salah sahiji cara pikeun
ngungkulanna, ku cara ngobrol jeung masarakat langsung dina acara Magrib
nguriling anu dilaksanakeun unggal Kemis sore, sakurangna saminggu sakali,”teges
Usmar. (Yana/Slamet/ DHP)
Tidak ada komentar:
Posting Komentar