WartaBeritaSunda, Bogor. Pamarentah Kota
Bogor, narima dua rombongan DPRD ti luar kota, nyaèta DPRD Kota Payakumbuh
Provinsi Sumatera Barat jeung DPRD Kabupaten Jeneponto Provinsi Sulawesi
Selatan. Maksud kadatangan para anggota legislative
ieu, diantarana pikeun diajar ngeunaan Raperda Pengelolaan Pasar jeung Pembentukan BUMD sarta Raperda ngeunaan Ngaran-ngaran Jalan tur Sarana Umum, dina
Kemis (19/3).
Rombongan
ditarima ku Sekda Kota Bogor, Ade Sarip Hidayat di rohangan tengah dibarengan
ku Direktur PD Pasar Pakuan Jaya Andri Latif Asikin Mansjoer.
Ketua rombongan
DPRD Kota Payakumbuh Yendri Bodra Datuk Parmato Alam nepikeun yèn salah sahiji tujuanna nyaèta pikeun
ngaronjatkeun Pendapatan Asli Daerah (PAD) utamana anu patali jeung pangokolaan
pasae sarta ngadegkeun BUMD. Sedengkeun rombongan
DPRD Kabupaten Jeneponto anu dipupuhuan ku Andi Mappatunru negeskeun pihakna
hayang nyaho ngeunaan cara mere ngaran
jalan anu kawilang has sarta ngeunaan sarana wangunan-wangunan umum. Sekda Kota
Bogor, Ade Sarip Hidayat nètèlakeun yèn PD Pasar di Kota Bogor kakara aya 4
taun kaliwat, tur salila ieu can bisa mere kontribusi PAD sakumaha
diharepkeun. Sedengkeun ngeunaan
ngaran-ngaran jalan jeung sarana umum, hasil tina sawala antara Pemkot jeung masarakat. (Lani/
Diky/dhp)
Tidak ada komentar:
Posting Komentar