Kota Bogor Sosialisasikan Zona Intergritas

Pikeun nyiptakeun pamarentahan anu bersih jeung sabalakana atawa transfaran sarta nyinglarkeun korupsi, Inspektorat Kota Bogor bakal ngalumangsungkeun sosialisasi Zona Integritas dina poe jumaah (13/3) nu bakal datang. Hal èta ditegeskeun ku kepala Inspektorat Kota Bogor, Edang Kendana  mangsa dipanggihan di rohangan gawèna salasa  beurang (13/3) Numutkeun Edang , Zona Integritas  nyaèta sesebutan atawa predikat anu dibikeun ku Menpan jeung   RB pikeun anu ngalakasanakeun  pangkolaan pamarentahan jeung keuangan anu alus tur beresih sarta mibanda wibawa. Kusabab kitu Inspektorat Kota Bogor bakal ngamimitian ngadegkeun Zona Integritas anu lumaku pikeun sakabèh Organisasi Perangkat Daerah ( OPD).

“Inspektorat nyobaan ngamimitian ku cara nyieun Fakta Integritas  anu geus diteken ku sakabèh karyawan Inspektorat,” ceuk Edang. Inyana ogè negeskeun yèn mangsa ayeuna inspektorat  keur mariksa ka instansi bari nyuratan ka sakabèh instansi anu bakal dipariksa sangkan ulah barang bèrè ka staf Inspektorat. Kagiatan ieu minangka salah sahiji tarèkah Inspektorat dina ngamimitian sangkan sistem anu keur dijieun lumangsung lancar. Dina pamariksaan èngkè, sanggem Edang,  aya sababaraha tingkatan kagiatan  anu bakal dilaksanakeun, dimimitian ku ketua tim   terus dalmis dipungkas ku Inspketotar pembantu (Irban) salaku wakil pananggungjawabna. Ku kituna, Edang yakin pisan, moal aya lolongkrang pikeun ayana kongkalingkong antara nu dipariksa  jeung nu mariksa. Lamun tèa dipanggihan kajadian anu teu diharepkeun, Inspektorat  bakal nindak kalayan teges saluyu jeung aturan anu lumaku  nyaèta dumasar PP 53 tahun 2010 ngeunaan disiplin pagawè.  Ngeunaan rencana sosialisasi Zona Integritas ieu  para pamilonna  sakabèh Sekretaris Badan, Dinas, Sekcam  jeung  Seklur  sarta panyaturna ti Kementrian Aparatur Negara jeung Reformasi Birokrasi RI anu bakal nepikeun eusi Peraturan Mentri No 52 Tahun 2014  ngeunaan Pedoman Pembangunan Zona Integritas menuju Wilayah Bebas Dari Korupsi  jeung  Wilayah Birokrasi Bersih  sarta  Melayani di lingkungan Instansi Pemerintah. (Tria/Lani)