Pemkot Ngarojong P2TP2

Pikeun ngaronjatkeun panangtayungan ka kaum hawa jeung barudak. Sekretaris Daerah kota Bogor, Ade Sarip Hidayat babarengan Ketua TP PKK Kota Bogor Yane Ardian, Kepala BPMKB kota Bogor Fetty Qondarsyah sarta  Ketua P2TP2A,  Iyus ngalumangsungkeun rapat di rohangan rapat Sekda Kota Bogor, Senin (16/3). Dina rapat èta aya sababaraha pasualan anu disawalakeun diantarana sinergitas jeung  paningkatan sumber daya manusia, boh kualitas jeung kompetensi sarta rasa mibanda kana organisasi. Salian  ti èta  Ade Sarip ogè meredih ka  BPMKB sangkan remen turun ka handap hususna kalurahan pikeun ngayahokeun kayaan nu sabenerna.

 "Kusabab kacida dibutuhkeunna, Pemkot Bogor bakal ngarojong boh ngeunaan anggaran, prasarana atawa kawijakan ka P2TP2A. ku ayana rojongan ieu, diharepkeun kajadian-kajadian salila ieu lumangsung bisa disinglarkeun. Tur P2TP2A bisa jadi tempat panyalindungan jeung pangaduan eusi hatè  masarakat," sanggem Ade.

Inyana ogè kacida nganuhunkeunna ka  sakumna ibu-ibu pengurus P2TP2A anu geus kacida getènna ngalaksanakeun pagawèanna sanajan prasarana anu aya kawilang kawates pisan. Ade mihaep dua minggu saentas pasamoan èta aya paningkatan boh dina kapengurusan, program, kaasup SOP-, saranan, sangkan leuwih bisa dirasakeun ku masarakat. Hal anu sarupa ogè ditepikeun ku  ketua Tim Penggerak PKK Kota Bogor, Yane Ardian.  Yane kacida ngarojongna anu geus dipigawè  ku  P2TP2A. (Lani/Tria/dhp)