PT Dayamitra Telekomunikasi Ngalalanyah Gawè Bareng jeung Pemkot Bogor

PT Dayamitra Telekomunikasi   anu mangrupakeun anak pausahan ti PT Telkom  ngadeuheus ka Sekda Kota Bogor Ade Sarip Hidayat  di Rohangan Rapat Sekda, Balaikota Bogor, Senen (9/3). Tujuan pausahaan ieu salah sahijina pikeun ngaoptimalkeun palayanan selular di Kota Bogor. PT Dayamitra  ieu diwakilan ku  Indra Bawono  minangka Project Planning anu usahana dina ngawangun infrastrutur salahsahijina tower. Dina kasempetan èta Indra, nawarkeun rencana gawè bareng hususna pamasangan pole-pole pikeun ngagantian  tihang Penerangan Jalan Umum (PJU) anu dilengkepan ku kamera CCTV.  Tihang-tihang ieu dimaksudkeun pikeun ngaleungitkeun wewengkon taya sinyal (blank spot area) di wewengkon Kota Bogor.

 “ Pamasangan tihang anu dilengkepan ku kamera CCTV kalayan henteu langsung bisa ngariksakeun kagiatan lalu lintas  ogè mantuan kaamanan di sabudeureunna, Kitu ogè tujuan pausahaan pikeun ngaoptimalkeun panglayanan nelepon bisa saluyu jeung konsep Smart City Kota Bogor,”  ceuk Indra. Rencanana bakal dipasang 150 tempat anu kawilang srategis, tur bakal ngagunakeun Fiber Optic (FO) di jero taneuh, kukituna teu perlu kabel di luhur. Sakabèh waragadna ditangkes ku PT Daya Mitra. Sekda Kota Bogor, Ade Sarip  nyebutkeun yèn patali jeung rencana èta kacida alusna tapi tangtu  sakabèh anu bakal dilaksanakeun kudu aya mangpaatna pikeun masarakat.