WartaBasaSunda, Bogor.Minggu isuk, 22 Maret 2015, Pemkot Bogor bakal ngabèwarakeun
Program “Bogoh Ka Bogor” pikeun ngaronjatkeun kacintaan warga ka kotana
sorangan. Rencanana, program ieu bakal dibuka ku Walikota Bogor, Bima Arya tur
dipiluan ku sakurangna, 1500 urang warga Kota Bogor. Hal èta ditegeskeun ku
Sekda Kota Bogor Ade Sarip Hidayat mangsa ditepungan di rohangan gawèna, Jumaah
(20/3). Numutkeun Ade, kagiatan Bogoh ka Bogor bakal dilumangsungkeun di Lapangan
Heulang, Kacamatan Tanah Sareal Kota Bogor.
“Tujuan Bogoh ka
Bogor nyaèta umajak ka sakumna warga Kota Bogor pikeun turun langsung, miara
jeung ngajaga lingkungan sakurangna di lingkungan sèwang-sèwangan, diantarana
teu miceun runtah sagawayahna”tegesna. Ceuk Ade, kasangtukang program ieu, kusabab panilèyan
ka Kota Bogor pikeun Adipura masih kènèh kurang. Sakurangna kudu meunang 73,
sawatara ieu kakara 71. Inyana miharep pisan ka ayana pangrojong ti masarakat,
sabab pastina moal bisa ngawujud lamun teu dirarojong ku masarakat. Bèh dituna,
sanggem Ade, lain ngan saukur beberesih wungkul, tapi ngawujudkeun kacintaan,
ngaronjatkeun rasa sabanda sarikas kana fasilitas umum anu aya di Kota Bogor.
(Iso/dhp)
Tidak ada komentar:
Posting Komentar