Tari Manuk Caladi Ngabagėakeun Tamu ti Walanda

WARTABASASUNDA. (Bogor)Dua puluh urang murid Sint Marteen College (Sakola Katholic satingkat SMA) Mastricht,  Walanda ngaku ngarasa sugema ku system pendidikan anu diterapkeun di SDN Polisi  4 Kota Bogor, mangsa maranėhanana ngadeugdeug sarta ngalaksanakeun sababaraha kagiatan di sakola ieu, Kemis (21/7). Mangsa rombongan  murid ti nagara Kincir Angin anjog ka pakarangan di sampakkeun ku seni Sunda nyaėta ibingan Manun Caladi jeung pangbacaan pupuh Sunda.  Wawakil murid ti Walanda nyaėta Branko, Joep, Laurens jeung  Lianne, ngarasa gumbira pisan, sabab murid SDN Polisi 4 kacida somėahna, tur umaku pisan  nepi kagiatan anu dilaksakeun dina poė ėta lumngsung lancar. Kitu ogė para guru sarta Kapala Sakolana, geus ngajelaskeun sababaraha program anu kacida hadėna.

“Para siswa di dieu kacida somėah, disiplin sarta gancang pisan diajak komunukasi, sakolana kacida pinuh warna tur kagiatan anu direncakeun bisa lumangsung lancar,” ceuk  Branko. Sawatara ėta wawakil guruna, Mr.Luc miharep pisan hubungan anu geus dimimitain ulah ngan saukur nepi ka poė ėta wungkul tapi bisa lumangsung kahareupna.

“We really hope our relationship not only  this morning but we stll make the relationship in the future,”tegesna. Sedengkeun Kepala SDN  Polisi 4, Yayah Komariah, ngarasa bungah ku kasumpingan  barudak sakola ti Walanda anu dijejeran ku De Tara Foundation anu gawė bareng jeung Global Expedition sarta salah sahiji lembaga pendidikan di Belanda.

“Maranhanna bakal  aya di Indoensia salila 5 poė, jeung saur Yayah. Dijelaskeun ku inyana program anu dihangkeutkeun ku rombongan ėta dina raraga dating ka Indonesia nyaėta Learning, Sharing and Protecting Our Cultural for Our  Better Society.

“Jadi maranėhanana waė ngahangkeutkeun  pikeun nantayungan budaya aslina kunaon urang heunteu. Numatak dibagėakeun ku Tarian Manuk Caladi  jeung Pupuh anu sakabėhna ti Sunda ambėh nyahoeun yėn program samodėl kitu di urang mah geus dilaksanakeun.” Ceuk Yayah, tatag.

Bupati Bogor Ngariksa Ngadadak ka Pasar Cibinong

WARTABASASUNDABOGOR.Bupati Bogor, Hj. Nurhayanti ngariksa ngadadak ka Pasar Cibinong anu tujuanna pikeun nganyahokeun harga bahan poko kabutuhan masarakat diantarana daging, bèas, cabè, bawang jeung kabutuhan lainna.  Nurhayanti anu datang kurang leuwih jam 11.30 WIB di Pasar Cibinong, langsung ngajugjug  kios sayuran, bari nanyakeun naha harga sayurna naèk atawa henteu. Saentas ti kios sayuran Bupati  neruskeun ngariksana ka kios daging, sarta ngobrol jeung padagangna, Kemis, (16/6)..
"Sabaraha harga daging ayeuna, Pa ?" ceuk Nurhayanti.
"Hargana masih Rp 100-110 ribu sakilona, bu," jawab tukang daging. Bupati ogè ngaroris kios bèas bari nanyakeun naha sasadianna cukup pikeun Iedul Fitri. Saentas ngaroris saeusi pasar Bupati Yanti negeskeun yèn sasadiaan sembako sarta hargana kawilang aman, sarta harga daging lokal  masih bisa diturunkeun. Inyana ogè mertèlakeun yèn pikeun ngajaga sangkan masarakat Bogor teu ngarasa beurat mangsa meuli daging, Pemkab Bogor bakal miluan program Pamarèntah Pusat ngajual daging impor anu hargana Rp 75 ribu sakilona.

“Pemkab Bogor ogè bakal ngalaksanakeun bazaar sembako murah di wilayah Kabupaten Bogor,”pokna daria. Nurhayanti negeskeun saentas ngalaksanakeun pamaraiksaan,  taya harga anu kawilang ahèng, kusabab sasadiaan barang anu diperlukeun kawilang cukup kaasup endog. Malah pikeun cabè mah sasadiaanna ogè aya 472 ton nepi ka bulan Juni. Dina kagiatan èta nyampak Asisten Administrasi, Dirut PD Pasar Tohaga, Camat Cibinong sarta Kapolsek jeung Danramil Cibinong. (Andi/Diskominfo Kab.Bogor/Dadang HP)

Ngeusian Ramadhan Antam Babagi Kabagyaan

PT. Antam Tbk UBPE Pongkor babagi kabagyaan ka barudak yatim dina kagiatan safari Ramadan jeung Bupati sarta Muspida Kabupatèn Bogor di RM Tumbar Jinten Sentul, Kacamatan Babakan Madang, Kemis, (16/6). Direktur Operasi PT Aneka Tambang Persero Tbk, Agus Zamzam J. mèrtèlakeun yèn sababaraha taun katukang jeung ayeuna Antam ngalaman cocoba anu kawilang beurat. Panyababna  kaayaan   global ekonomi dunya, turunna harga komunitas  jeung mulai lumakuna UU Minerba anu ngawajibkeun  proses hilirisasi sarta  rinèka tangtangan tiluar sèjènna anu nyababkeun Antam kudu kreatif, inovatif sarat  gawè  leuwih rancagè deui.

 "Antam , pausahaan anu ngokolakeun sumber daya alam  hiji waktu pasti bakal aya eureunna. Kusabab kitu nyuhunkeun rojongan sareng du’a ti sadayana sangkan program anu keur disusun dina raraga nutup usaha anu ayeuna nuju disusun tiasa masihan mangfaat nu tuluy-tumuluy pikeun masarakat saentas Antam nutup kagiayan,”pokn daria pisan. Sawatara èta Bupati Bogor, Hj. Nurhayanti negeskeun yèn PT. Antam Tbk UBPE Pongkor mangrupakeun mitra gawè Pamarèntah Kabupaten Bogor, diantarana waragad CSR ti Antam kacida ngabantu masarakat dina sagala widang.

“Tapi kapayunna kedah ditambihan deui,” saur Nurhayanti. Inyana ogè nyaritakeun  salaian ti ngaronjatkeun PAD Pamarèntah Kabupaten Bogor, ayana PT. Antam di Kabupaten Bogor  kacida ngabantuna dina pangbinaan ka UMKM. Bupati Bogor nyebutkeun sabada PT. Antam ditutup dina ahir taun 2019 anu bakal datang, Pemkab. Bogor bakal ngarojong program anu bakal dipigawè ku PT. Antam.

Dina kasempetan èta, PT. Antam masrahkeun santuna ka 1000 anak yatim  jeung kaum dhuafa di wilayah Kabupaten Bogor.

Dina kagiatan ieu ogè nyampak Kapolres Bogor, Camat Nanggung, Kapolsek Nanggung  jeung  Danramil Nanggung sarta sababaraha Kepala OPD ti Pemerintah Kabupaten Bogor. (Andi/Diskominfo Kab.Bogor)

WARTA BASA SUNDA BOGOR: Syfa Lumpuh Salila 13 Taun

WARTA BASA SUNDA BOGOR: Syfa Lumpuh Salila 13 Taun: WARTABASAUNDA   Sani (36) warga Kampung Jampang RT 02 RW 1O, Desa Kalisuren Kac.   Tajurhalang Kabupaten Bogor, ukur ngageuri nempo a...

Syfa Lumpuh Salila 13 Taun

WARTABASAUNDA

 Sani (36) warga Kampung Jampang RT 02 RW 1O, Desa Kalisuren Kac.  Tajurhalang Kabupaten Bogor, ukur ngageuri nempo anakna Syarifah atawa

Syfa (14) anu teu walakaya, ngalaman lumpuh salila 13 taun. Numutkeun Sani, mangsa umur anakna sataun, kaayaanna walagri, kumaha wè budak saumuran sakitu, ngan saentas divaksin suntik dina pingpina anakna  jadi kitu.

“Saentas divaksin peutingana muriang, tuluy koma salila sapuluh poè, mangsa hudang  sakabèh tulangna jadi leuleus,”pokna  bari carindakdak nahan piceurikeun.   Salila sapuluh taun, saminggu sakali anakna ngalaman step, tong boroning dahar, pikeun nginum waè geus teu bisa. Lantaran taya kadaharan anu asup pisan, bari jeung teu tèga susu jeung kadaharan sabangsaning bubur tèh kapaksa kudu dijejelkeun.

“Sakuduna mah diinfus, tapi waragad pikeun ka rumah sakitna timana. Salaki kuring, Kang Anda ukur buruh wangunan. Pikeun ngubaran anak kuring anu cikal kapaksa kudu hutang injeum  diantarana nepi bank keliling sagala,”tegesna. Malah dina hiji waktu mah, kulantaran geus taya waradag pikeun ngubaran, sarta imahna ogè dina kaayaan darurat, salila sababaaha peuting kapaksa ngendong di kuburan emana dibarengan Syfa jeung adina.

“Kuring geus bingung pisan kudu ka saha deui sasadu. Iwal ti ka makam indung jeung minangsaraya ka Gusti Allah.” Ari tarèkah pikeun  ngubaran anakna, geus teu kaitung, ti mimiti ka Puskesma, rumah sakit, dokter, dukun, kyai, ka jalma-jalma piniter bari jeung kudu naèk angkot ngagandong nu gering.

“Sawatara bantuan ti Dinas Sosial Kabupaten Bogor, lain euweuh, tapi matak lieur. Mangsa aya nu masrahkeun loba pisan titipan caritaan. Engkè lamun aya nu nanya jumlah anu katarima sakitu nya,”pokna tèh. Sanajan kaayaan Syfa teu walakaya, teu bisa diuk-diuk acan teu bisa nyarita, Sani ngaku moal pegat-pegat narèkahan ngubaran, moal rèk putus pangharepan.

“Nu ngaranna indung mah geus pasti nyaah ka anak sarta hayang anakna walagri, cageur bageur, kitu ogè kuring,”Sanui nutup caritaan. (dhp)